රතු සහ රන්වන් පැහැති ටයි පටි පැළඳ ගත් ග්‍රිෆින්ඩොර් නිවාසයේ සිසු සිසුවියන් හේතුවෙන් හොග්වර්ට්ස් ප්‍රධාන ශාලාවට අමුතුම චමත්කාරයක් එක්ව තිබිණි. නමුත් මේ වසංගතය හේතුවෙන් හර්මොයිනිට මීටරයක් දුරින් සිටීමට සිදු වීම රොන්ගේ මනස්තාපයට හේතු විය.
මහාචාර්ය ඩම්බල්ඩෝර් ගේ කටහඬත් සමඟ ළමුන්ගේ කසුකුසුව නැවතිණි. " අද පොළොව" මායා ප්‍රවෘත්ති විකාශයෙන් නොකියවෙන භයානක යමක් සිදුව ඇතැයි සිසුහු බියට පත් වී සිටියහ.
" අද ඔයාලට මෙතනට එන්න කිව්වෙ ඉතා වැදගත් කාරණයක් සඳහා. මේ හැමෝම දන්නවා අපි මේ දින වල දරුණු කොවිඩ් වසංගතයට මුහුණ පා තියෙන බව. මෙය මග්ල්ස්ලාට වගේම අපිටත් ලොකු අභියෝගයක්. ඒ අතරේ අපිට තවත් ප්‍රශ්නයක් ඇවිත්"
ඩම්බල්ඩොර් , මැගොනිගල් සහ ලුපින් යන මහාචාර්යවරුන් සියල්ලන්ගේම දෙනෙත් වලින් දිස් වූයේ අතිශය බැරෑරුම් තත්වයකි.
"මොකද්ද ප්‍රශ්නෙ ප්‍රොෆෙසර්?"
"වෝල්ඩමෝට් හොග්වර්ට්ස් වලට පහර දෙන්න හදනවා කියලා අපට මායා අමාත්‍යාංශයෙන් අනතුරු ඇඟවීමක් ලැබුණා"
" එතකොට වෝල්ඩර්මෝට්ට මේ වසංගතයෙන් බලපෑමක් නැද්ද?" හැරී කල්පනාකාරීව විමසුවේය.
"එයාට මේ කාලෙදි අපට පහර දෙන්න ලේසියි මොකද එයාට මේ වෛරසය බෝවෙන්න ඉඩ ඉතා අඩුයි" මැගොනිගල් පිළිතුරු දුන්නාය.
"ඒ කොහොමද ?" රොන් ඇසුවේය.
"අයියෝ ඒකවත් තේරෙන්නෙ නැද්ද? එයාට නහයක් නෑනෙ" නෙවිල් එසේ පැවසුවේ සියල්ලන්ම සිනා සයුරේ ගිල්වමිනි.
" ඒත් එයාට මාස්ක් එකක්වත් දාන්න බෑ හරියට නහයක් නැතුව" හැරී සෙමින් මිමිණුවේය. පසුගිය දින කිහිපයේ ඔහුගේ අකුණු හැඩැති කැළල මෙතරම් රිදුම් දීමට හේතුව හැරීට වැටහුණේ දැන් ය.
මතු සම්බන්ධයි
©ධරණී උපේකා වීරසේකර
No comments:
Post a Comment