දිගින් දිගටම බැරෑරුම් පරීක්ෂණ රැසක නිරත වීම සෞඛ්‍යයට අහිතකර බව මා කොතෙකුත් කියා ඇති නමුත් මගේ හිතමිත්‍ර ෂර්ලොක් හෝම්ස් ඒ කිසිවක් සැලකිල්ලට නොගනී. මෙය තවත් ඉවසා ගත නොහැකි තැන මම නිවාඩුවක් සඳාහා හෝම්ස් සමඟ විදේශ ගත වීමට තීරණය කළෙමි.
එක්දහස් අටසිය ගණන්වල බ්‍රිතාන්‍ය අධිරාජ්‍ය යටතේ පැවති ශ්‍රී ලංකාව අපගේ ගමනාන්තය විය.
ශ්‍රී ලංකන් ගුවන් සේවයේදී පිරිනැමූ කජු අනුභව කිරීම නිසා උදරබාදයකින් පෙළුණු මගේ මිත්‍රයාගේ මුහුණින් දිස් වූයේ පෙරටත් වඩා ගිලන් ස්වභාවයකි.
ශ්‍රී ලංකන් ගුවන් සේවයේදී පිරිනැමූ කජු අනුභව කිරීම නිසා උදරබාදයකින් පෙළුණු මගේ මිත්‍රයාගේ මුහුණින් දිස් වූයේ පෙරටත් වඩා ගිලන් ස්වභාවයකි.
" ගුවන්තොටුපළේ ඉදල හෝටලයට යන්න කුලී රථයකට කතා කරන්නම්" මගී පර්‍යන්තයේදී මම හෝම්ස්ට පැවසුවෙමි.
"මගේ හිතමිත්‍ර වොට්සන් ඒ ගැන කරදර වෙන්න එපා. අර පාර අයිනේ නවත්වා තිබෙන රතු, කොළ, නිල් වර්ණවල ත්‍රීරෝද රථ ඔබට පෙනෙනවාද?"
"ඔව් මිත්‍රයා. නමුත් ඒවා සුවපහසු නැහැ"
"නමුත් මගේ ආදරණීය වොට්සන් ඒවා සුපර් සොනික් යානා තරම් වේගයෙන් ගමන් කරනවා. මේ මොහොතේ වැදගත් වෙන්නේ උදරබාධය තවත් දරුණු වීමට කලින් හෝටලය වෙත යාමයි"
"නමුත් මගේ ආදරණීය වොට්සන් ඒවා සුපර් සොනික් යානා තරම් වේගයෙන් ගමන් කරනවා. මේ මොහොතේ වැදගත් වෙන්නේ උදරබාධය තවත් දරුණු වීමට කලින් හෝටලය වෙත යාමයි"
වෙනත් විකල්පයක් නොවූයෙන් මම ඔහුගේ කීමට අවනත වුණෙමි.
හෝටලයට ගොස් ස්නානය කර හොඳින් පිරිසිදු වී උණුසුම් කෝපි කෝප්පයක් පානය කිරීමෙන් පසු හෝම්ස්ගේ ගිලන් ස්වභාවය මදක් සමනය විය.
හෝටලයට ගොස් ස්නානය කර හොඳින් පිරිසිදු වී උණුසුම් කෝපි කෝප්පයක් පානය කිරීමෙන් පසු හෝම්ස්ගේ ගිලන් ස්වභාවය මදක් සමනය විය.
මා හෝම්ස් සමඟ පහත මාලයට ගොස් ඉන්දියන් සාගරයේ සුන්දරත්වය නැරඹීමට සැරසුණා පමණි ,කිසිවෙක් මහ හඬින් දොරට තඩිබාන්නට පටන් ගත්තේය. බේකර් වීදියේ සුපුරුදු නිවහනේ බිලී නමැති සේවක ළමයා නැති අඩුව මට තදින්ම දැනුණි.
දොරඟුල විවර කළ සැණින් සැට විය ද ඉක්මවූ කෙසඟ සිරුරැති තැනැත්තෙක් කාමරයට කඩා වැදුණේය.
" ඔබතුමා නේද ෂර්ලොක් හෝම්ස් ?" අමුත්තා හෝම්ස් දෙස බලමින් විම්සීය.
"ඔව්"
"අනේ සමාවෙන්න මෙහෙම හදිසියේ ආවට. මම ලොකු ප්‍රශ්නයකට හිර වෙලා. සේනා දළඹුවා නිසා රටේ වගාවන් සේරම විනාසයි. ඒ නිසා මට කිසිම සැනසිල්ලක් නෑ. ගොවීන් මට ඉන්න දෙන්නෙ නෑ. මේකට මොකක් හරි විසඳුමක් දෙන්න. මම ඉල්ලන ගාණක් ණය වෙලා හරි ගෙවන්නම්"
විවේකය ගත කිරීමට මා සිදු කළ සියලු සැලසුම් මොහොතකින් සුනු විසුණු වී ගියේය.
"මහත්මයා කලබල වෙන්න එපා. මම විසඳුමක් දෙන්නම්. ඔබේ ආගන්තුක පත්‍රය මට දීලා යන්න. හෙට හවස් වෙද්දි විසඳුමක් දෙන්නම්"
හෝම්ස් එසේ පවසන විට ඔහුගේ දෙනෙත් ප්‍රීතියෙන් බැබළිණි.
"සමාවෙන්න මහත්මයා මම ආගන්තුක පත්‍ර පාවිච්චි කරන්නෙ නැහැ" යැයි කියූ ඔහු හෝම්ස්ගේ කණට කර කිසිවක් මුමුණා නික්ම ගියේය.
"සමාවෙන්න මහත්මයා මම ආගන්තුක පත්‍ර පාවිච්චි කරන්නෙ නැහැ" යැයි කියූ ඔහු හෝම්ස්ගේ කණට කර කිසිවක් මුමුණා නික්ම ගියේය.
හෝම්ස් දළඹුවාගේ ස්වරූපය හා චර්‍යාව නිරීක්ෂණය කරනු පිණිස වගාබිම් වලට යනු ඇතැයි මා අපේක්ෂා කළ ද ඒ සඳහා පසු දා පහන් වුවත් ඔහු කිසි උනන්දුවක් නොදැක්වීය. හෝම්ස් දවස පුරා ගීත සිවුරුහන් කරමින් සැහැල්ලුවෙන් සිටීම මගේ නොමඳ ප්‍රීතියට හේතු විය.
ශ්‍රී ලංකාවේ සොඳුරු නිවාඩුවක් ගත කිරීමට ඉඩ ලබා දීම පිළිබඳව මම දෙවියන් වහන්සේට ස්තුති කළෙමි. දින ගෙවී ගොස් අප නැවත ලන්ඩනය බලා යන දිනය ද උදාවිය.
පුරුද්දට මෙන් සිලෝන් ක්‍රොනිකල් පුවත්පත අතට ගත් මට එහි සිරස්තලය දැක කෑ ගැසිණි
"ෂර්ලොක් හෝම්ස් සේනා දළඹු වසංගතය මෙරටින් තුරන් කරයි"
"දෙයියෝ සාක්කි හෝම්ස් ඔබ මේ හෝටල් කාමරයට වෙලා මේ ප්‍රශ්නේ මෙච්චර ඉක්මනින් විසඳුවෙ කොහොමද ?"
"ඒක හරිම සරලයි මිත්‍රයා. මම කළේ අපිට ලංකාවේ බස් රථ සහ ත්‍රී රෝද රථ වල වාදනය වෙන ගීත වගාබිම් වල අධික ශබ්දයෙන් වාදනය කරන්න කිව්ව එක විතරයි. දළඹුවො සේරම සිහිසුන් , අප්‍රාණික තත්ත්වයට පත් වුණා. වසංගතය ඉවරයි" හෝම්ස් දඟකාර සිනාවක් පාමින් කීවේය.
දෑස් බොඳවී යද්දී ඔහු මා වත්තම් කර ගත්තා විය යුතුය.
නිමි.
©ධරණී උපේකා වීරසේකර
©ධරණී උපේකා වීරසේකර
