හොග්වර්ට්ස් ක්විඩිච් පිටියෙන් ගුවනට නැගුණු නිවාස හතරේම ක්‍රීඩකයින් සිය මායා යෂ්ටි එල්ල කරගෙන සිටියහ.
"ප්‍රොටේගෝ හොරිබිලිස් සැනිටයටාරිස්"
නිල් පැහැති පුළිඟු නිකුත් කරමින් මායා යශ්ටි ආලෝකවත් විය. එයින් නිකුත් වූ එළියත් සමඟ සැනිටයිසර් සුවඳ කැටි වූ නිල් පැහැති පටලයක් හොග්වර්ට්ස් බලකොටුව වසා ගෙන පැතිරෙන්නට විය. එය කොවිඩ් වසංගතයට එරෙහි මෙම වශිය සාර්ථක වූ බව අඟවන සලකුණක් බව හැරී දැන සිටියේය.
අඩි කිහිපයක් නුදුරින් ෆයර්බෝල්ට් වර්ගයේ මායා කොස්සක නැඟී හුන් චෝ චෑන්ග් හැරී දෙස බලා මදහසක් පෑවාය. එහෙත් චෝ චෑන්ග් වෙනුවට ජිනී තමා වෙත සමීප වීම සම්බන්ධයෙන් හැරී සතුටින් පසු විය. හැරීගේ සිතිවිලි බිඳ දමමින් මැඩම් හූච්ගේ විසිල් නාදය ඔහුගේ සවනත පතිත විය.
ඩම්බල්ඩෝර් , මැගොනිගල් සහ ස්නේප් යන මහාචාර්යවරු ප්‍රධාන දොරටුව අසල රැස් වී සිටියහ. ඩම්බල්ඩෝර් සිනාමුසු මුහුණින් සිය හඬ අවදි කළේය.
" මේ වශිය සාර්ථක වුණ නිසා බලකොටුවට වසංගතයෙන් ආරක්ෂා වෙන්න පුලුවන් කියලා අපි හිතනවා. ඒක යෝජනා කළ හර්මොයිනි ග්‍රේන්ජර් වෙනුවෙන් ග්‍රිෆින්ඩොර් නිවාසයට ලකුණු විස්සක් ලැබෙනවා. ඒත් නිරෝධායන නීති තාම ක්‍රියාත්මක වෙනවා කියලා අමතක කරන්න එපා. කාටවත් බලකොටුවට ඇතුළේ නිකරුණේ ඇවිදින්න , තැනින් තැන යන්න, අවසරයක් නැතුව කල්ලි ගැහෙන්න සම්පූර්ණයෙන්ම තහනම්"
කෙටි රැස්වීමෙන් අනතුරුව පිරිසිදු වී කාමරයට ගිය හැරී මදක් විවේක ගත්තේය. ඔහු කොල්ලකාරයන්ගෙ සිතියම සූට් කේසයෙන් ඉවතට ගත්තේ රොන්ගේ යෝජනාවක් අනුවය.
"අපි බලමු කවුරු හරි නිරෝධායන නීති කඩ කරමින් ඇවිදිනවද කියලා" හොර ඇල්ලීමේ නොතිත් ආසාවෙන් පෙළෙන රොන් යෝජනා කළේය.
" මට කිසිම යහපතක් සිදුවී නැති බව දිවුරා පවසමි" හැරී සිතියමට තට්ටු කර මන්ත්‍රය මිමිණුවේය .
හොග්වර්ට්ස් බලකොටුව්‍ කොරිඩෝ මුලුමනින්ම හිස්ව ගොස් ඇති බව ඔහුටත් රොන්ටත් පෙනී ගියේය.
"මේ බලන්න මේ කවුද?" රොන් එක්වරම කෑගැසුවේය .
තාරකා විද්‍යා කුළුණ දෙසින් වේගයෙන් උතුරු දෙසට ඇවිද යන පා සටහන් ලකුණු කොල්ලකරුවන්ගේ සිතියම මත දර්ශනය විය.
"රේවන් නොට්මෑන්" හැරී විස්මයෙන් එම නම උච්චාරණය කළේය.
ඒ කවුද?
"ඇයි හැරී මේ තමා සික්ස්ෆෙසස් නොට්මෑන්ගෙ පුතා"
මතු සම්බන්ධයි
©ධරණී උපේකා වීරසේකර
සයවෙනි කොටස
No comments:
Post a Comment